PRESENTACIÓN
DO CONCURSO
O meu
profesor de Sociais, Pepe Cacheiro, ofreceunos aos nenos de segundo facer un
traballo sobre a Constitución para participar nun concurso organizado pola
Subdelegación do Goberno, que este ano foi sobre o Título VIII: “A organización
territorial do Estado”.
O concurso
consta de dúas partes: a dos cativos (nenos e nenas de primaria) que consistía en facer un debuxo, e a dos
máis maiores (secundaria , bacharelato e formación profesional) que tiñan que
facer un traballo de entre 7 a 12 folios.
PROCESO DE
TRABALLO
De alí a uns
días púxenme mans a obra.
Na primeira
parte redactei un pouco o que era o artigo, en que consistía, que defendía…Na
segunda parte inventei un conto, escrito a man, que narraba o Título VIII dunha
maneira diferente. Tamén recortei artigos de periódicos sobre Cataluña, o que
sucede alí… e algúns chistes do Carrabouxo sobre o tema .
Para
decoralo aínda mais, peguei bandeiriñas nas marxes das follas e fixen un debuxo
do mapa de España sen Cataluña. Para rematar, decorei a portada cun lazo
da bandeira de España de tela e a
contraportada cunha de Galicia.
CANDO ME
ENTEREI DOS RESULTADOS??
Eu non
pensaba que ía gañar (aínda que me quedara ben chulo). Pero, de alí a unhas
semanas, ao saír de clase o profesor díxome q gañara. Despois entregoume unha
carta, que non podía abrir ata chegar a casa, pero non puiden aguantar e abrina
polo camiño. GAÑARA. Quedei alucinando...
Non vía o
momento de contarllo a meus país...ata corrín para chegar antes a casa e
dicirllo. Fora o único afortunado do
Otero Pedrayo.
O GRAN DÍA
!!!!
Era 6 de
Decembro, o día que ía recoller o ansiado premio que me levaría catro días
a Madrid con outros nenos que non
coñecía de nada, o día en que todas as autoridades, familiares e moitas máis
persoais estarían mirando como 20 nen@s recollíamos o premio. Era alucinante
pero ao mesmo tempo estaba asustado.
A xente
comezou a chegar. O Auditorio comezou a encherse. De pronto, pola porta vin a
entrar a Marcos, un neno do meu instituto que, como algún rapaz faltou estaba
el, elexido de suplente. Alegróuseme a cara cun sorriso. Así xa tiña a alguén
coñecido para unha excursión tan importante.
A gala
comezou coa banda de Celanova, que eran todos nen@s, tocando unhas melodías
perfectas. Despois unhas imaxes sobre os incendios diste ano...Ía chegando o
momento de levantarme da miña butaca. Unha moza díxome: “Manuel Álvarez Ferro?
Ti es o último en saír a recoller o premio”. Naquel momento relaxeime un pouco
pero aínda así estaba moi nervioso.
A cerimonia
estaba rematando. Despois de Marcos ía eu. Marcos xa estaba baixando do
escenario cando nunha pantalla enorme apareceu: unha das peores fotos miñas que
vira na vida, o meu nome, a portada do meu traballo e unha das frases que máis
lle gustara ao xurado. Estaba a punto de desmaiarme cando unha moza da
Subdelegación leu o meu nome. Xa me tocaba. Darlle a man ao Subdelegado e posar
para unha foto que sorprendentemente ía acabar na portada da Voz de Galicia.
Baixei do escenario e soaron os himnos de España e Galicia.
A cerimonia
rematou e foi o momento das felicitacións.
FELICITACIÓNS
Ao día
seguinte saín na portada da Voz de Galicia e todo o mundo que non viu a
cerimonia felicitoume por watsapp tanto a miña familia como amigos. Agora toca
esperar ata xuño para gozar da viaxe
Ningún comentario:
Publicar un comentario