Club de lectura aberto a toda a comunidade educativa con Eli Rios, autora da novela Luns

O luns 11 de marzo gozamos dun club de lectura no que participaron nais, pais, profesorado e alumnado, ao redor de Luns, novela de Eli Rios. 

A escritora guiounos nun percorrido para diseccionar todas as facetas do machismo, xermolo da violencia de xénero, temática principal da novela que viñamos de ler. A experiencia non puido ser máis enriquecedora e estimulante, pois é difícil manterse alleas, tanto ao impacto desta novela como á vitalidade e afouteza da súa autora.