EZETAERRE E SONDARÚA

A música é unha parte importante da vida de moitos de nós e , a pesar de vivir en Galiza, hai moi pouca música  e non coñecemos a moitos artistas ós que escoitar. Con todo, eu atopei hai tempo xa, dous grupos de rap que compoñen e cantan na nosa lingua. Trátase de Ezetaerre e Sondarúa.

 Os primeiros son algo máis coñecidos pero penso que ambos merecen moito a pena. Ezetaerre ten tres integrantes ( Pirola, Garchu e Petroski) que coincidiron estudando Comunicación e Audiovisuais en Santiago. A súa música é maioritariamente reivindicativa aínda que tamén teñen algunha canción con outras temáticas. Para o meu gusto, teñen unhas letras boísimas e tamén moitos dos seu videoclips son xeniais. Tiven  a sorte de velos en directo hai cousa dun mes e en concerto tamén son incribles.

O segundo grupo, Sondarúa, fórmano Hugo Guezeta e Alex Arnoso da zona das Rías Baixas. Eles tamén se centran en reivindicacións do galego e doutros temas. A min encántame o ritmo dos seus raps e ambas voces. Resúltanme boísimos tamén.

Realmente recomendaría que os escoitásedes. Podedes mirar algunha canción coma “ Á volta da lúa” e “ A herdanza do vento” de Ezetaerre e “ En galego non mola” ou “Fóra” de Sondarúa. Paga moito a pena e eles fan unha gran labor polo galego coa súa música. A ver que vos parecen!

BEATRIZ RODRÍGUEZ LAFUENTE 1ºBACH F