O pasado luns 9 de abril, os alumnos de 1° de Bacharelato que cursamos
Literatura Universal e os de Latín fomos ó Auditorio a ver dúas obras de teatro
grecolatinas. A primeira delas tivo lugar pola mañá, á que asistimos todos; e a
segunda pola tarde só para os de Latín.
Ambas foron interpretadas por un grupo de teatro, Noite de Bohemia, dun
instituto da Coruña. Os actores eran da nosa idade e estaban a dar unha xira
por toda España.
A obra da mañá era unha traxedia, "Troianas". Falaba do papel da
muller en Troia e DO que lles deparou o futuro cando rematou a guerra: as
protagonista serían escravas e a obra xira en torno a isto. Á maioría gustounos
moito.
Pola tarde vimos unha comedia: "Anfitrión". Esta trataba de como
o deus Xúpiter se facía pasar por un heroe, Anfitrión, para deitarse coa súa
muller; e froito disto era nado Hércules. A moitos resultounos demasiado longa,
pero moi chistosa.
Ó rematar a primeira actuación preguntamos se podiamos entrevistar a algún
dos actores, e Grial Montes, de 21 anos, dixo que a ela non lle importaba. Tiña
o papel de Hécua, muller troiana, na primeira obra; e o de Sosias, escrava de
Anfitrión, na segunda, ademais de coreografiar ao coro.
A entrevista foi a seguinte:
+ Como remataches formando parte deste grupo de teatro?
- A verdade é que era unha compañía do meu instituto, e eu xa tiña renegado do
teatro había moitos anos. Pero os meus amigos apuntáronse, pedíronme que fose
con eles, dixéronme que era moi divertido... E apunteime así un pouco para
probar. Eu era bailarina, non era actriz; así que me metín para montar as
coreografías do coro e para bailar como coro, e ó final acabei de Hécua.
+ A día de hoxe como ves o teu futuro coma actriz?
Quedamos todos encantados coas obras e co bos que eran os actores!
Texto: Beatriz Rodríguez, 1° BACH F
Fotos: Clara Barreiros 1º BACH F
Ningún comentario:
Publicar un comentario